ლაზი ვარ, ლაზი!
მიყვარს ზღვა, თვალსაწიერი უკიდეგანო,
ზღვაზე გაზრდილი, დღეს ვარ ბოგანო,
იმ ტკბილ სავანეს ვერ შეველევი,
გულში ჩავიკრავ და სათუთად შემოვეხვევი.
ლაზი ვარ, ლაზი!
გამიშვით ზღვაში, იმ სტიქიონში გადავვარდები,
ბობოქარ ტალღებს, აზვირთებულთ შევერკინები.
შთანმთქას სტიქიამ, შეეხეთქება ზვირთებს ზვირთები,
ჰა, ავიწყვიტე, ვიცი, მისი წერა გავხდები!
ლაზი ვარ,ლაზი!
Nessun commento:
Posta un commento