დიდო ხელმწიფევ, მითრიდატევ, გეამბორები,
დაკარგულია კვირიბები, არ გვყავს მოგვები.
ძველი დიდებაც აღარ არის, დაკარგულია,
სკვითმა წაგვგლიჯა სებასტოპოლი-დიოსკურია.
არაფერს ამბობს, დადუმებულა ჩვენი ფაზისი,
თუმცა, იქ დადგეს დიდი ძეგლი ცოტნე რაინდის.
რად გადაკვრია ამ ჩვენს წარსულს შავი ბურუსი?
აღარ მასვენებს მწარე ხვედრი ლაზეთ-კოლხეთის.
არ მიგვიძღვიან მეფეები-წათე, გუბაზი,
ბობოქრობს პონტო. ქარიშხალი. არის მერეხი.
ხოფაში მივალ, წინ მეღობება ურჩი ჭოროხი,
იქ მელოდება ჩქიმი ჯუმა, ამაყი ლაზი.
Nessun commento:
Posta un commento